i dä schuel isch immerno alles paletti und ich bin mit mim momentane "notedurchschnitt" vo 86% ganz z friede.... ich gib mer grässlich müe das semester will ich weiss, dass ich nächst semester wieder mit buechhaltig konfrontiert wird (und das no in english) und es graut mir ja übelst devo!!! =) also tueni chli vorhole...
was isch so los gsii. also agfange het dä moned mit ere "swiss night" im swiss club. dä jackson und ich sind bi wiitem die jüngste gsii (und dä j. dä einzig Aussie wiit und breit).... zu dene patriotische get togethers ziets würklich nur die alt garde... es isch wieder alles vertrette gsii vo alphorn über e viel z langi red vom präsident (mit üüüübelstem CH-akzent!), zu tanz (nach ere fläsche wii sind sogar mir nach dränge vom ganze tisch 5 minute uf em parkett zu ländler umeghüpft - aber das dörfed ihr jetzt grad wieder vergesse) bis zur obligate tombola. hend e fläsche wii gwunne, en art vo keramik topf (dä isch jetzt min buttertopf im chüelschrank) und irgendsones spielzüg für babies wo d Ava natürlich au nüme cool find also hemmers zum staubfänger degradiert... vom menu bini sehr enttüscht gsi will die regulär speisekarte mit sache wie bündnertäller lockt aber mir hend irgend es gulasch mit pampige hörnli und ratatouille serviert übercho. dä choch het wohl en schwache moment gha...
wiiter gange ischs denn mit mene filmclip womer gmacht hend idä recording studios vom doug... und mir hen kein andere gfilmed als dä Elvis! es isch en elvis impersonator gsii wo eifach en promo mix het wele vo es paar songs und ich ha "kamera 2" chöne füere und ha also ziemlich gueti shots anebracht haha! isch recht lustig gsii und sobald dä jackson fertig isch mit em editing tueni denn en churze clip ufelade... "love me tender.... love me long........" düdüdü
denn hemmer jetzt en super deal mit mene kolleg, em Doug, wo in Rye es beachhouse het. es isch zwar nöd, wie dä name chönnt vermuete la, grad am strand, aber mit em auto sinds c.a. 10minute zu dä schönste surfstränd, also bini ganz z friede! mer hend eus jetzt det igmietet für weekends und wenn dä Doug nöd ume isch (was no oft vorchunnt), denn hemmer das ganze huus nur für eus! im summer bringt mich niemert me det use und mis brett grad au nöd! euses erste weekend dete isch sehr gemütlich gsii, fernab vo dem ständige surre vo dä airconditionings i dä stadt, aber mer hend gfrore! also "mer" heisst wohl eher "ich"! drum hani det mini zwei öfeli gchauft und bin eifach immer mit eim devo umegloffe... ;o) D Ava isch au debii gsii und mer hend sones richtigs "family style" outing gha mit beach, zeichne, im huus umenandrenne und "high five" choreographie tanze vor em tv (chindersändig, und ich ha recht abgloosed haha). bin also recht gschluuched gsii aber sie isch sehr eifach z entertaine und mer verstönd us guet, was mich natürlich happy macht! =) nur, sie chan sich min name irgendwie nöd merke, darum nennt sie mich eifach "woman"! kurz und bündig, voilà. hehe...
für all gsellschaftsspiel freaks under eu: mer hend es charte spiel gchauft "killer bunnies". kei ahnig obs das i dä CH git aber s isch zum schreie witzig!!! umbedingt go chaufe! naja, es gat eifach drum dä anderne spieler ihri hase umzbringe und rüebli z sammle! und mer cha immer wieder meh charte dezue chaufe was mega cool isch. sind scho richtig besesse und dä winner score isch glaub 4-1 für mich oder so haha!
nächst wuche fang ich en fotokurs a und freu mi mega druf! ha d möglichkeit gha, d band vom beste kolleg vom Jackson (Jonah's Road) während mene live uftritt z fötele und bin recht stolz uf mini bilder! (sind im ordner uf picasa druf)... jetzt chumi lektione über in photoshop und bin scho ganz chribbelig, all die fotos z bearbeite! aber läck das bruucht ja ziit... hani ja zwar im moment aber sött mi eher mal hinder mini assigments chlämme....
Dä Jackson und ich (und no es paar ander involvierti) schaffed im moment amene konzept für e neui tv music show wo super interessant isch! wenn das klapped, denn hani en coole nebedjob und langfristig wohl es guet ikomme! chunnt nur drufah ob e tv station die show iichauft oder nöd! also duume drucke!! =)
min plan isch es jetzt, im dezember für es paar wücheli nach hawaii z gah! muen endlich mal wieder jede tag chöne go surfe, sus chani mini panik nie überwinde! und da d nicci und dä cyrill denn grad det umegondled, freui mi natürlich no meh!!! denn gits denn profi fotos vo dä pipeline masters und ich wird dem Kelly Slater so lang nalaufe, bisi es autogramm han.... am beste uf mim brett, aber das chönnt no schwierig werde ;o)
a propos surfe - mir hend no es langs weekend in "Wye River" verbracht. das isch es dörfli (naja wohl eher e asammlig vo es paarne hüüsli) entlang vo dä Great Ocean Road. ich liebe die küstestrass, wo sich über km erstreckt vo torquay us bis zu appollo bay. ha eigentlich wele dä jackson zum surfe bringe, aber dä isch chrank gsii und isch denn eifach am strand ghöckled und het gläse. ich ha mini panik überwunde und bin sogar ok gsii woni ganz allei det umenandpaddled bin. sind kei superwelle gsii aber het uf jede fall guet ta! =)
my tip: check out the music of Pete Murray / read "Botschaften vom Meer " & "der träumende Delfin" of Sergio Bambaren
